Toda a actualidade do Castelo Conta e a actividade da asociación
A Asociación Párkinson Galicia-Coruña estará presente nos Contos de Castelo do xoves 27 de agosto, nunha xornada adicada aos coidados e ao proxecto ‘Mulleres que Contan’.
A Praza do Concello de Triacastela acolleu a penúltima preestrea do documental, nunha xornada na que as protagonistas estiveron acompañadas polas súas familias, amigos e veciñanza, con quen puideron compartir as lembranzas, reflexións e aprendizaxes construídas durante o proceso.
A veciñanza e visitantes reuníronse en Folgueira para vivir a eclipse total de sol desde un punto de observación habilitado especialmente para a ocasión.
A deste mércores será unha tarde moi especial. Desde o Castelo Conta organizamos un visionado desde Folgueira, nun monte que preparamos para a ocasión coa axuda das e dos veciños durante estas semanas. Por suposto, non faltará a música e a gastronomía. Máis Enerxía, un dos patrocinadores do festival, fai posible esta iniciativa.
O Cruceiro de Castelo, en Taboada, acolleu o pasado martes 4 de agosto unha nova preestrea da peza documental dedicada ás mulleres deste territorio, nun encontro no que as protagonistas estiveron acompañadas polas súas familias, amizades e veciñanza.
O Castelo Conta leva anos abrindo espazos para a tradición oral galega, achegándose á regueifa desde a creación, a educación e o encontro coa comunidade.
O Castelo Conta espállase por toda a parroquia e leva a cultura a lugares que forman parte da vida cotiá de Castelo. Eiras, patios, alpendres, prazas, a Taberna ou o Monte Xalo convértense durante uns días en espazos para a música, o teatro, a gastronomía e a memoria, grazas tamén a unha veciñanza que abre e comparte os seus propios lugares.
As protagonistas descubriron por primeira vez a peza documental construída arredor das súas historias nunha xornada marcada pola celebración, o carácter mariñeiro da Illa e o reencontro coas pioneiras de ‘Mulleres de Castelo’.
As mulleres participantes descubriron por primeira vez a peza documental dedicada ao seu territorio nun encontro marcado pola emoción e a forza dos vínculos creados ao longo do proceso.
