Toda a actualidade do Castelo Conta e a actividade da asociación
O proxecto culminará o vindeiro 26 de xuño cun encontro no que as participantes de Baroña, Manzaneda, Triacastela e Taboada dan un paso máis: transformar as súas vivencias en medidas e reivindicacións para avanzar cara a un modelo de coidados máis xusto, humano e comunitario.
Xa está dispoñible a aplicación ‘Monte Xalo’, unha ferramenta creada desde o tecido asociativo de Castelo que permite coñecer o monte desde dentro, con rutas, patrimonio e contidos xeolocalizados. Un proxecto que une natureza, memoria e tecnoloxía.
A recuperación de Casa Rodríguez e o diálogo arredor do voluntariado interxeracional centraron a presenza da Asociación Cultural Castelo Conta na segunda edición do Festival MARCO.
As asociacións Castelo Conta e Castelo Deporte, e a Comunidade de Montes Veciñais de Castelo, amosamos toda a nosa solidariedade coas veciñas e veciños da Laracha e o total rexeitamento á instalación en Soandres dunha macroplanta de produción de fertilizante orgánico para a produción de biogás.
Inés, Cruz, Loli, Milucha, Segunda e Merche reúnense nun novo encontro de ‘Mulleres que Contan’, marcado pola alegría de estar xuntas, a memoria e o valor de tradicións como a queima das fachas. Entre risas, historias e coidados, constrúese un espazo de celebración do vivido.
María, Dorita, Moncha, Cipriana, Carmen, Josefa, Consuelo e María Rosa reencóntranse na terceira fase de ‘Mulleres que Contan’, nun espazo aberto onde a reivindicación colle protagonismo.
Non queda moito para que a Travesía do Xalo volva encher a parroquia e o monte de xente. Pero en Castelo as cousas non comezan nin rematan nun día: a vida comunitaria, a memoria e o coidado do territorio están presentes ao longo de todo o ano.
Acompañamos a Hadriana Casla nos obradoiros de ‘Mulleres que Contan’ en Triacastela, Manzaneda, Baroña e Taboada, nun momento clave do proxecto: o reencontro e a construción colectiva do documental.
Os reencontros da terceira fase de ‘Mulleres que Contan’ continúan. Desta volta en Manzaneda, para poñer palabras ao vivido. A escrita convértese nunha ferramenta para afondar nas historias de Benilda, Orosia, Concha, Adelina, Maribel, Carmen, Merchi e Maribel, nun encontro atravesado pola emoción e a memoria.
