Caderno

Estrella Galicia súmase ao Castelo Conta 2025 para acompañar á comunidade e á cultura, e celebrar as dez voltas á festa. A cervexa galega por excelencia estará presente na taberna e outros espazos do festival.

Deleite é un proxecto colectivo que naceu para darlle valor ao leite galego, garantirlle un futuro ao rural e ofrecer un produto 100% noso. Nesta décima edición do Castelo Conta, a súa colaboración chega a Casa Rodríguez e ás actividades de Xente Miúda, facendo presente no festival un leite que fala de Galicia con calidade e compromiso.

O mércores 27 de agosto, ás 21:30, o Castelo Conta acollerá o avance do documental ‘Ao son da nova regueifa’, unha viaxe audiovisual que percorre o país para retratar o renacer desta arte de improvisación oral, da man das novas xeracións.

Coa colaboración de Cartón Atlántica, o Castelo Conta elimina os plásticos dun só uso e aposta por funxibles de papel e cartón, coidando o medio ambiente e o entorno que nos acolle.

Méndez-Rojo, adega galega con máis de 80 anos de historia e cinco denominacións de orixe, únese ao Castelo Conta para brindar, desde a taberna do Castelo Conta, pola tradición, a cultura e o territorio que nos une.

O festival contará un ano máis con intérpretes de Lingua de Signos nas noites do xoves, venres e sábado, garantindo que todas as persoas poidan gozar da programación.

Pardiñas Clínica Médico Dental, con máis de trinta e cinco anos de experiencia e un firme compromiso social, súmase un ano máis ao Castelo Conta para apoiar e celebrar a cultura, a comunidade e a felicidade que nace dun sorriso.