Toda a actualidade do Castelo Conta e a actividade da asociación
Improvisación, baile e festa sen descanso. A sexta xornada do Castelo Conta 2025 pasou pola frescura da cativada no obradoiro de regueifas, a estrea da serie Pipo, un vermú de vangarda con sabor e música, os Contos de Castelo e a presentación do documental ‘Ao son da nova regueifa’. O peche puxo o torreiro a tremer cunha foliada interminable.
A quinta xornada do festival levounos da fraga de Cabrois ata a festa musical: Xente Miúda, un vermú na taberna con auténticos artistas dos sabores e Abril poñendo a música, os Contos de Castelo máis xogosos e dous concertos que puxeron a enerxía por todo o alto, Lisdexia e Monoulious DOP.
A cuarta xornada do festival trouxo consigo o arranque das actividades semanais, o inicio dos Contos de Castelo e unha chea de emocións: desde o talento da cativada en Xente Miúda ata a homenaxe sorpresa a Xabier Díaz, pasando polo humor reivindicativo de De Vacas.
O peche do escenario natural do Xalo foi unha despedida por todo o alto: Bibopalula fixo soñar ás crianzas, as Tanxugueiras encheron o monte coa forza das pandeiretas, e Sés pechou o festival estreando en directo ‘Todo Castelo Conta’, convertido xa en himno colectivo.
O Monte Xalo viviu unha segunda xornada chea de música e memoria: da sesión vermú de Pulpiño Viascón pasamos ás presentacións sobre o patrimonio do monte, para rematar o día co ritmo de Alana e a enerxía imparable de Ortiga.
Na décima edición do Castelo Conta non só celebramos con música, contos e encontros. Este ano tamén traemos produtos oficiais e exclusivos, para que poidas levar contigo un recordo especial do festival, colaborando así a manter viva esta festa da cultura, do rural e da comunidade.
A décima edición do festival arrincou cun serán inesquecible: Carlos Núñez inaugurou o Castelo Conta entre emocións, tradición e vangarda, e Peter Sélek fixo do Xalo unha pista de baile.
O inicio do Castelo Conta está á volta da esquina… literalmente. Mañá comezamos! Dez días de festa, cultura e comunidade para celebrar unha década de edicións. Antes de mergullarnos de cheo, recompilamos toda a información práctica que precisas para gozar ao máximo do festival.
O festival contará cun espazo informativo da ONGD o domingo 24 e o xoves 28, ademais dunha cesta solidaria e dun suadoiro de edición especial, dos que Ecos do Sur recibirá integramente todo o recadado.
