Na décima edición do Castelo Conta non só celebramos con música, contos e encontros. Este ano tamén traemos produtos oficiais e exclusivos, para que poidas levar contigo un recordo especial do festival, colaborando así a manter viva esta festa da cultura, do rural e da comunidade.
Leva contigo un anaco da décima edición do Castelo Conta
O Castelo Conta 2025 é unha edición histórica: celebramos dez anos de vida, dez anos de ilusión compartida e de orgullo polo noso. E, como non podía ser doutro xeito, os agasallos tamén teñen un papel especial nesta festa.
Durante todo o festival, os asistentes poderán atopar á venda produtos oficiais, pensados con agarimo e deseñados coa identidade propia do Castelo Conta. Están dispoñibles en venda física, tanto na taberna do festival (Casa Rodríguez) como nas actividades. Tamén están dispoñibles en venda online a través da tenda na nosa web.
- Camisetas (Talles L, M, S, XL e XXL e tamén para a cativada)
- Camiseta solidaria con Ecos do Sur, da que todo o recadado irá destinado á ONGD que traballa en Galicia apoiando a persoas migrantes e refuxiadas. (Talles S, M, L, XL e XXL)
- Suadoiros con e sen caperucha (Talles S, M, L, XL e XXL)
- Bolsas de tea
- Dominó
- Baralla de cartas
- Táboa de madeira para embutidos
Cada un destes produtos non é só un recordo do festival, senón tamén unha forma de apoiar o proxecto. A súa compra contribúe a que o Castelo Conta siga a ser unha cita aberta, feita pola veciñanza e para todas as persoas que se achegan a vivila.
Leva contigo un anaco da décima edición e axuda a manter vivo o espírito do Castelo Conta.