O venres é a noite da música en Castelo

Durante toda a semana hai tempo para conversar, rir, gozar da gastronomía tradicional e da máis moderna… pero os venres no Castelo Conta son os días de bailar e cantar sen parar!

Nesta edición, temos con nós a grandes amigos do festival como Xabier Díaz e Sés, e a Dios ke te crew, que chegan por vez primeira a Castelo. Xabier Díaz estará no escenario da polideportiva coas Adufeiras de Salitre presentando Axúdame a sentir, o seu último traballo. Di Xabier que ese sentir é “unha casa que debemos visitar tantas veces como nos sexa posible. Celebrar a non virtualidade, abrazarnos, escoitar, beber, bailar, sentir, escribir, debuxar, cantar, soñar…”, mesmo parece que está a describir o Castelo Conta!

Outra que repite experiencia esta edición é Sés. A música coruñesa virá presentar o seu último traballo Diante un eco acompañada da súa banda ao completo nun dos poucos concertos que ofrecerá este verán. Actitude punk, rock’n roll, música de raíz e lembrazas das músicas de autor latinoamericanas son algunhas das características dunha artista única.

Despois da vinte anos de carreira, os de Ordes presentan o seu disco Tremendos anos 20, no que atopamos vinte remesturas de vinte dos seus temas máis recoñecidos feitas por vinte produtores. Ademais, a edición física inclúe un fanzine con vinte ilustracións feitas por vinte artistas galegos. E vinte temazos deles -como pouco- escoitaremos no Castelo Conta!

E para que a festa non acabe, a noite seguirá grazas á sesión que nos preparará o dj e axitador cultural Peter Sélek. O baile e a festa están asegurados!

Podes facerte coas túas entradas aquí.