Do luns 24 ao venres 28|18:00
Contos de Castelo
As tardes no Castelo Conta son para falar, escoitar e compartir. Os Contos de Castelo celebran a oralidade como ferramenta para gardar e transmitir a nosa memoria.
Nesta décimo primeira edición, os Contos de Castelo percorrerán diferentes aldeas da contorna cunha programación de encontros nas tardes do luns ao venres.
A semana comezará en Castelo de Abaixo cun encontro dedicado á figura de Finita Gay, coa participación de Xurxo Souto (Orquestra Bravú Xangai). O martes, en Vilaverde, a tradición oral será a protagonista cunha conversa sobre a regueifa e un obradoiro impartido por Manolo Maseda e Josinho da Teixeira. O mércores, en Xalo, descubriremos o mundo do baile tradicional con Artur Puga. O xoves, en Folgueira, recibiremos aos seis grupos de mulleres participantes en Mulleres que Contan, nun encontro que contará tamén coa presenza de Mercy Díaz. A semana rematará por primeira vez en Cabrois, cunha tarde dedicada aos mitos e lendas e á súa relación coa literatura.
Unha programación para seguir mantendo viva a tradición de contar, escoitar e compartir as historias que forman parte da nosa identidade.