Despois dunha exitosa primeira peza teatral, reinterpretando o texto do Lazarillo de Tormes, a compañía de recente creación, Pedras de Cartón, leva a cabo a adaptación da novela do Quixote, de Miguel Cervantes.
Este dueto formado por Juan Rodríguez e Pablo Sánchez propón unha relectura dos textos clásicos co fin de reflectilos sobre as táboas e aproximalos a un público familiar. Así, en chave cómica, estes dous actores interpretarán aos coñecidísimos Quixote e Sancho Panza, rememorando as súas historias máis representativas, así como a relación antagónica entre estes dous compañeiros de aventuras.
Con isto, o obxectivo reside en achegar as artes escénicas aos cativos e cativas, como tamén unha parte da cultura clásica que, neste caso, afonda e forma parte da literatura española.
Dirixida por Laura Salasola, esta representación teatral terá lugar o mércores, día 24, en Folgueira, ás 19:30h. Entradas de balde.
