Un concerto de Abraham Cupeiro agardará no Petón tras a Andaina

Abraham Cupeiro é capaz de facer soar unha palliña como se fose unha gaita. É por isto que moitos o coñecen tras viralizarse unha entrevista na que mostraba a súa habilidade. Pero máis alá desta anécdota, Cupeiro é un artista que tan ben toca jazz, como reconstrúe instrumentos musicais perdidos no tempo. Ten unha colección de máis de 200 instrumentos de diferentes épocas e lugares, que os fai soar interpretando músicas variadas. É, ademais, un dos poucos artistas que poden presumir de tocar o Kanyx, unha trompeta celta da Idade de Ferro, ou a corna, ligada á tradición galega. 

Abraham Cupeiro estará esperando no Petón ás personas que cheguen de facer a andaina do Día Grande do Castelo Conta. O lucense súmase á programación do sábado, ofrecendo un concerto nun lugar único.  Os tíckets para inscribirse á andaina poden mercarse na web ou nos puntos de venda físicos do festival na Coruña, O Burgo e Castelo.