Boyanka Kostova chegan a Castelo co seu flow rural. Trap de aldea si, mais tamén universal!
Sons urbanos… no rural
Boyanka Kostova son pioneiros no trap galego. Cibrán e Chicho mesturan todas as súas influencias que beben do hip-hop, do rock, da cultura popular, do folclore…
Combinando retranca e ritmos tradicionais con sons urbanos, electrónica chea de loops, samples e ritmos low-fi, Boyanka constrúen un son urbano e contemporáneo, puro flow rural. Trap de aldea, mais universal.
A verbena de Chicho e Cibrán estará o xoves no Castelo Conta para pechar unha xornada de comedia cos seus himnos costumistas, reivindicativos e divertidos a máis non poder. Non perdades a experiencia Boyanka Kostova, un show inimitable. O concerto é de libre acceso e dará comezo ao remate do Castelo Arre ou Show.