Recuperamos os contos ao pé do Xalo

Desde a Asociación Cultural Castelo Conta seguimos recuperando a memoria oral da comarca. Contos ao pé do Xalo é unha iniciativa que pretende conservar e difundir as historias, manifestacións culturais e lendas asociacidas á contorna do Monte Xalo. A través de conversas, entrevistas e outras investigacións, recollemos as verbas das nosas veciñas e veciños, salvagardando o patrimonio oral de Castelo e das parroquias limítrofes que circunvalan o Xalo.

Este proxecto pretende ser un grande arquivo da memoria da nosa parroquia e das parroquias veciñas. Buscamos saber máis da nosa historia, dos modos de vida tradicional, das nosas festas e particularidades conservadas na oralidade. Os Contos ao pé do Xalo son unha iniciativa que irá medrando ano a ano, mediante entrevistas e investigacións en arquivos, primando a recollida en audio das historias por parte dos seus protagonistas ou das testemuñas que poden achegarnos, entre outros moitos saberes, modos de vida tradicionais e diferentes manifestacións culturais e sociolóxicas.

Contos ao pé do Xalo é unha iniciativa da Asociación Cultural Castelo Conta que conta co apoio da Deputación da Coruña a través do seu programa de subvencións para Actividades Culturais.