Manolo Maseda, Lupe Blanco e Josiño da Teixeira traen o poder da regueifa ao Castelo Conta.
A regueifa era un molete de pan ou unha rosca de azucre e ovos que se daba tradicionalmente aos convidados das vodas. Cantar a regueifa consistía nunha “loita” verbal entre alguén da casa e outra persoa de fóra; quen gañaba, tiña a honra de repartira a regueifa. Os versos lanzados polos regueifeiros, forman un cantar improvisado conxunto e teñen que ter forma octosílaba e rima par. Estes versos, cada vez máis afiados, rematan cando un dos contrincantes canta a última copla.
Isto tradicionalmente podía rematar en pelexa —polo ferinte das coplas— mais en Castelo será unha festa, un “partido amigable” entre tres dos grandes divulgadores da regueifa na actualidade: Manolo Maseda, Lupe Blanco e Josiño da Teixeira. Con eles podermos achegarnos a esta arte popular que a piques estivo de desaparecer pero que foi conservada en diferentes puntos de Galicia e agora atópase nun gran momento, con presenza en certames, festas e mesmo en bares e tabernas.
Regueifando en Castelo: festa e revolución terá lugar nos Petoutos, en Vilaverde, o martes 20 a partir das 19.30 horas. E despois de regueifar, seguiremos gozando da música, o canto e o baile con Tiruleque!
A primeira edición da Mostra de Arquitectura Rural celebrarase entre o 9 e o 11 de maio para poñer en valor a relación entre arquitectura, arte e comunidade. Está organizado por ELO arquitectura e o Concello de Vedra, e patrocinado polo Colexio Oficial de Arquitectos de Galicia.
O Consello da Cultura Galega convidou a Xosé A. Touriñán para explicar o noso modelo de festival en canto á participación da cidadanía, xunto co Feirón Mariñeiro de Rianxo, Contos do Mar, o Festival Internacional Outono de Teatro de Carballo, Escora Danza, e Pasabodeghas.
