Castelo, contra a planta de biogás na Laracha
As asociacións Castelo Conta e Castelo Deporte, e a Comunidade de Montes Veciñais de Castelo, amosamos toda a nosa solidariedade coas veciñas e veciños da Laracha e o total rexeitamento á instalación en Soandres dunha macroplanta de produción de fertilizante orgánico para a produción de biogás.
Desde o tecido asociativo de Castelo fixemos público o pasado 25 de abril, na celebración da Travesía do Xalo, o noso apoio ás reivindicacións da Plataforma Stop Biogás A Laracha, que durante estas semanas levan a cabo diferentes mobilizacións en toda a comarca para dar a coñecer os riscos desta instalación.
O proxecto pretende ocupar 95.000 metros cadrados de solo rústico na parroquia de Soandres para o tratamento de miles de toneladas de resíduos cada ano, cun impacto irreparable no territorio e na vida das persoas. A planta terá implicacións na auga e na calidade do aire, poñendo en risco o río Anllóns, xerando emisións e olores, o incremento de tráfico pesado, e alteracións acústicas e paisaxísticas nun entorno cunha notable riqueza natural y patrimonial.
Desde este outro lado do Monte Xalo, o movemento asociativo de Castelo esixe á Xunta de Galicia a paralización do proxecto a través da denegación das autorizacións para a instalación da planta, e a reconsideración do proxecto en solo industrial.
Biogás na Laracha, NON!