Xuntos para bailar coa Familia Caamagno

Nun dos seus últimos temas, Familia Caamagno asegura que “O mundo está derrotado”, pero “e que me importa a min, se nesta vida eu só quero bailar”. E dispostos a facer bailar a todo o mundo chegan a Castelo os cinco compoñentes da banda de Sigüeiro. Festa, boas vibras e moito baile é o que promete a Familia Caamagno ao Castelo Conta, para que todo o mundo o pase ben e non quede ninguén sen bailar.

Dende o 2011, Toni, Lano, Jess, Francesco e Manuele visten as súas mellores galas e soben aos escenarios co propósito de facer bailar a todos e todas. Por iso, xuntos celebraremos a festa, pois como ben dixo Juan Pardo: “Xuntos e que sintan todos que si van xuntiños temos máis camiños pra facelos ben”.

O concerto, de libre acceso, será na Polideportiva de Castelo, o xoves 24 despois de que remate Corentena, con David Perdomo e Xosé A. Touriñán.