Durante a última mañá de Xente Miúda no Castelo Conta 2026, a cativada mergullouse no mundo do cinema de sombras da man de Iria Fafián. Despois de experimentar coa luz, crear figuras e descubrir todo o que podían contar as sombras, chegou o momento de poñer en práctica o aprendido.

Para facelo, escolleron un clásico: O traxe novo do emperador. Entre cartulinas, mans, luces e sombras, reconstruíron a historia do emperador obsesionado cos seus traxes e dos falsos tecedores que conseguen enganalo coa promesa dunha tea invisible aos ollos dos necios.

Cada escena foi tomando forma diante da luz e, pouco a pouco, a historia foi quedando gravada como memoria desta actividade. Unha maneira diferente de achegarse ao cinema, experimentando cos seus elementos máis básicos e descubrindo que para contar unha historia ás veces abonda cunha luz, unha sombra e un pouco de imaxinación.

O resultado foi esta pequena película feita por elas e eles.