A tradición oral será protagonista da tarde do martes a través das historias do contador de Lalín.
Para Celso Sanmartín os contos son vida. El mesmo di que “non contar sería tanto como non convivir, e polo tanto, en positivo, contar é convivir“. E con esta filosofía, o contador de Lalín chega a Castelo para compartir as súas historias cos veciños e con todo aquel que se achegue ao festival.
Celso Sanmartín, ou Celsiño, como tamén lle chaman, ten escoitado moitos contos. Historias que lle contaban e contan os máis maiores. Naceu, medrou e viviu rodeado de contos, e dese escoitar fixo a súa profesión: agora é el o que narra. Defínese así mesmo como colleitador, pero non só da súa horta, se non tamén das historias da vida.
A palabra é a maior ferramenta de Celso Sanmartín. Con ela transmite historias que pertenceron a outras persoas. A tradición oral será a protagonista da tarde do martes. O espectáculo, de libre acceso, terá lugar o 22 de agosto nos Petoutos (Vilaverde) a partir das 20.00 horas.
Celebrarase nas sedes do CGAC e do Museo do Pobo Galego do 24 ao 26 de setembro, coa participación de 25 proxectos de toda España. O festival será unha das quince iniciativas con espazo expositivo, e tamén participará nunha mesa de debate sobre memorias colectivas, transmisión y resemantización.
O Castelo Conta rematou despois dunha semana chea de música, humor e cultura desde o rural.
