VENRES 28 DE AGOSTO |23:00
Xoel López
Un dos grandes nomes da música contemporánea, cunha carreira marcada pola liberdade creativa, a evolución constante e a capacidade de converter cada etapa vital nun novo capítulo musical.
Con máis de 20 anos de traxectoria, Xoel López construíu unha das discografías máis recoñecidas da música independente estatal. Desde a súa etapa con Deluxe ata a súa consolidación como artista en solitario, a súa carreira sempre estivo ligada á procura de novos camiños, mesturando influencias e explorando diferentes formas de entender a canción.
A súa música móvese entre o pop, e a canción de autor, cunha mirada aberta que incorpora diferentes paisaxes sonoras sen perder nunca a súa identidade. Cada álbum supón un exercicio de creación propio, no que as experiencias persoais, as viaxes e as emocións se transforman en cancións capaces de conectar con públicos de distintas xeracións.
O seu último traballo, Oniria Popular (2026), reafirma esa vontade de seguir explorando, cun repertorio no que conviven a intimidade, a experimentación e a forza dunha música feita para ser compartida.
No Castelo Conta, Xoel López achegará un directo que reúne máis de dúas décadas de cancións, cun repertorio que nos acompañará a noite do venres.