Do 19 ao 25 de agosto
en Castelo, Culleredo

Produto engadiuse á túa cesta.

O día grande da comedia

O sábado é o día grande do Castelo Conta e a comedia colle o protagonismo. Logo de xantar, comezamos a andaina polas aldeas da parroquia na compaña dos gaiteiros e a charanga, con Pepo Suevos como guía. Celso Sanmartín e Marita Martínez foron os encargados das contadas nas paradas do percorrido.
A noite, desfrutamos dunha gran noite de comedia con Touriñán, Carlos Blanco, Gari Garrido, Licía Veiga, Marita Martínez, Patricia Castrillón, Federico Pérez, Isabel Risco, David Perdomo, Oswaldo Digón e Pepo Suevos.

Arrincamos a mañá recollendo a bosa da andaina coas pulseiras, camisolas e sombreiros.
O azul foi a cor da camisola da andaina desta edición, con deseño da ilustradora Laura Mahía.
Os veciños prepararon o menú de hoxe: churrasco ou callos veganos, pan de carral e torta larpeira.
A xente non perdeu oportunidade de gardar e compartir os grandes momentos que vivimos.
Aínda que Aigi Boga, fotógrafo do Castelo Conta, nunca perde detalle do que aquí acontece.
Pepo Suevos conduciu unha vez máis a andaina para que ninguén quedase perdido, ou aburrido, por Castelo.
O camiño contou coa actuación de Marita Martínez.
E tamén de Celso Sanmartín, quen contou na casa de Romero e Esther.
As nosas aldeas recibiron aos visitantes un día máis.
O tempo acompañou finalmente e mesmo se agradeceu a sombra nalgúns tramos do camiño.
A noite abrírona os grandísimos Galifunk, que deixaron ao público moi arriba para comezar a noite dos monólogos.
Touriñán foi o encargado de abrir a noite.
Carlos Blanco foi o primeiro en saír a escena nunha noite espectacular na Polideportiva.
Gari Garrido rematou o seu monólogo convidando a Oswaldo Digón a cantar un tema da súa banda Almas de cántaro.
Lucía Veiga, Marita Martínez e Patricia Castrillón trouxeron de novo a impro a Castelo.
O alemán que mellor fai rir en Galego, Federico Pérez, continuou cos monólogos.
Nabiza Girl volveu a Castelo da man de Isabel Risco.
Perdomo tróuxonos unha versión coruñesa do conto do lobo e os sete cabritos.
A impro volveu ao escenario desta volta con convidados especiais.
Oswaldo Digón volveu subir ao escenario para facer o seu show.
Pechou a noite deste ano Pepo Suevos, o cómico que nunca repite camisola de baloncesto.
Máis de 1.900 persoas ateigaron a Polideportiva de Castelo.
Non puido faltar a foto de familia desta edición.

Fotos: Aigi Boga

Anterior
O martes, a palabra foi a protagonista no Castelo Conta
Seguitne
Despedimos o Castelo Conta coa romaría do San Ramón
X