A taberna Casa Rodríguez será o epicentro das tardes de festival con vermús cheos de música e gastronomía, pero antes foi ultramarinos e punto de encontro veciñal.
A historia que esconde a taberna do Castelo Conta
Durante o mes de agosto, Casa Rodríguez, a taberna do Castelo Conta, volverá ser protagonista. Especialmente, durante o festival, xa que entre o luns 25 e o venres 29 de agosto, acollerá os xa emblemáticos Vermús na Taberna, nos que a música en directo e a gastronomía local serán os grandes protagonistas.
Cada mediodía, os chef galegos de referencia invitados prepararán petiscos en directo con produtos de proximidade, mentres grupos musicais como Brais Morán, Nasaufunk, Abril, 9Louro, Pava, e The Rapants poñen a banda sonora. E con todo, será tamén escenario de moitas sorpresas que aínda quedan por desvelar!
Casa Rodríguez foi desde os anos trinta un local emblemático onde se vendían produtos frescos e se compartían conversas ao pé da barra. Foi un espazo vivo durante máis de oitenta anos, ata que pechou en 2017. O Castelo Conta devolveulle a vida, recuperando aquel espírito comunitario que sempre a caracterizou.
O seu nome mantense intacto como homenaxe á familia que a rexentou durante décadas, e porque algúns nomes non se deben esquecer. Hoxe, Casa Rodríguez é de novo o punto de encontro da parroquia, un lugar desde o que comezar cada día de festival con bo sabor de boca e mellor compañía.