Presentamos o Castelo Conta 2025

O pasado mércores vivimos un día moi especial no Campo da Capela de San Ramón, onde anunciamos dez días de festa que remexerán as aldeas de Castelo este verán.

No acto, conducido por Xosé A. Touriñán, participaron representantes das institucións e empresas colaboradoras, e desvelouse a programación, que concentra máis de cincuenta actividades no seu total.

Do 22 ao 31 de agosto, haberá música, contos, gastronomía, espectáculos e moita emoción para celebrar dez anos de cultura feita desde o rural. Xa falta menos!