Ver e escoitar

Coñecemos como se lavaba no río. E tamén como se laretaba.

A nosa veciña Carme cóntanos como era o proceso de fiar o liño. E a festa que viña logo!

O Castaño da Grila ten moitas historias e todas de medo. Hoxe queda só o tocón, mais as lendas aínda se escoitan en todo Castelo.

O xeito deste hórreo non é nada común en Castelo. Escoitamos o porqué.

Da escola dos nenos quedan as paredes e o tellado, pero aínda hai quen se lembra do mestre e do rebulir da cativada.

A escola das nenas xa non existe, escoitamos como era aquel lugar.

Aínda podemos ver algunha cerdeira en Castelo, pero fai tempo había tantas que facían falta moitas mans para apañar as cereixas.

Escoitamos a historia de Maruja, que foi leiteira en Castelo cando era pequena.

En tempos, había que recoller a auga para ter para beber, lavarse e cociñar. Preto de onde estamos agora, estaba a Fonte da Cova, que non era milagreira, pero tiña unha auga moi fresquiña.