Ver e escoitar

O día comezou ao son dos paxaros de Bibopapula, o Monte Xalo acolleu unha xornada de concertos onde o público desfrutou deste espazo escoitando a Tanxugueiras na sesión vermú e a Sés, que pechou o día.

A xornada comezou con Pulpiño Viascón na taberna e continuou no Monte Xalo, onde descubrimos máis da importancia deste espazo tan máxico. A noite pechou coa enerxía e os bailes nos concertos de Alana e Ortiga, que puxeron todo o mundo a rebolar.

A décima edición do festival arrincou cun serán inesquecible: Carlos Núñez inaugurou o Castelo Conta entre emocións, tradición e vangarda, e Peter Sélek fixo do Xalo unha pista de baile.

Nos vinte e un días de programación previos ao festival, Casa Rodríguez acolleu actividades que quenceron Castelo e prepararon á parroquia para a chegada da décima edición do Castelo Conta.

Onte fixemos unha viaxe polos sabores e a memoria galega cunha cata moi especial dos viños de Méndez-Rojo en Casa Rodríguez. Unha adega con máis de oitenta anos de historia que nos ofreceu viños tan espectaculares como os da súa adega Vía Romana, con denominación de orixe na Ribeira Sacra.

Un percorrido polas imaxes e testemuños das persoas que fan posible o festival, e que representan á comunidade que fixo medrar este proxecto ata converterse nun exemplo de cultura compartida no rural. O fío común entre saúde e humor: o sorriso.

O martes 12 de agosto, Casa Rodríguez acolleu a gravación en directo do podcast Velaí Vai, que encheu a taberna de conversacións, historias e boa compañía. Un encontro único para compartir cultura e comunidade antes do arranque do festival.

O Castelo Conta celebra dez anos de historia e arrancámolo como sempre: xuntándonos para compartir festa, cultura e comunidade. Veciñanza, institucións e empresas déronse cita para coñecer a programación máis especial da historia do festival, cun cartel que mestura tradición, música, humor e memoria. Un adianto do que viviremos en agosto e unha mostra do que significa celebrar xuntos.