Non hai mellor maneira de celebrar a reapertura da taberna do Castelo Conta que poñendo banda sonora ao espírito que sostén este festival desde hai unha década. Este venres, Casa Rodríguez, que abrirá todo o mes de agosto como punto de encontro veciñal con programación cultural e gastronómica, inagurouse coa estrea dunha canción inédita de Sés, creada especialmente para o festival. Un xeito simbólico de dar comezo ao Castelo Conta a través da música, da palabra e da emoción compartida. Porque non hai mellor maneira de celebrar dez anos que poñendo banda sonora ao que somos.
Ver e escoitar
Presentación do Castelo Conta 2025
O Castelo Conta celebra dez anos de historia e arrancámolo como sempre: xuntándonos para compartir festa, cultura e comunidade. Veciñanza, institucións e empresas déronse cita para coñecer a programación máis especial da historia do festival, cun cartel que mestura tradición, música, humor e memoria. Un adianto do que viviremos en agosto e unha mostra do que significa celebrar xuntos.
Contos de Castelo 2024 · O monte Xalo
Os Contos de Castelo suben ao monte para falar sobre todo o que aquí pasou e do que aínda vai pasar. O Xalo é un lugar cheo de vida onde queda moito por contar.
Contos de Castelo 2024 · Deportes e pasatempos
Os Contos de Castelo xiraron arredor do deporte e nesta parroquia iso non significa falar só de fútbol. Hai moito máis mundo.
Contos de Castelo 2024 · O menú da festa
Os santos non comen pero os festeiros e as festeiras si, e o xantar da festa dá moito que falar.
Contos de Castelo 2024 · Chegar ao ceo en motoserra e outras cousas de non crer
Gayoso deixa o ‘Luar’ por un día para conversar nos Contos de Castelo sobre remedios e milagres ou, o que é o mesmo, sobre medicina con maxia.
Contos de Castelo 2024 · O amor polo cine e o amor no cine
Federico Pérez e Miguel de Lira abriron a temporada 2024 dos Contos de Castelo para falar sobre como mudou a nosa realidade a través do cine e a fotografía.
Así foi o Castelo Conta 2024!
Rematou a edición máis extensa ata o momento do festival. Repasamos os todo o que aconteceu neste Castelo Conta 2024.
Nun ano estaremos dándolle outra volta á festa!
Despedimos o Castelo Conta coa romaría do San Ramón
O domingo remata o Castelo Conta coa tradicional romaría.
O día grande da comedia
O sábado é o día grande do Castelo Conta e a comedia colle o protagonismo. Logo de xantar, comezamos a andaina polas aldeas da parroquia na compaña dos gaiteiros e a charanga, con Pepo Suevos como guía. Celso Sanmartín e Marita Martínez foron os encargados das contadas nas paradas do percorrido.
A noite, desfrutamos dunha gran noite de comedia con Touriñán, Carlos Blanco, Gari Garrido, Licía Veiga, Marita Martínez, Patricia Castrillón, Federico Pérez, Isabel Risco, David Perdomo, Oswaldo Digón e Pepo Suevos.
Venres de música en Castelo!
Este venres tivemos a Uxía Lambona e a Banda Molona, crnds, Xabier Díaz e as Adufeiras de Salitre, Sés e aos Dios ke te crew!