Domingo 31 de agosto|14:30
A Romaría do San Ramón
A festa remata da mellor maneira, xuntándonos no Campo da Capela para desfrutar o día coa veciñanza e coa música na sesión vermú na polideportiva.
Un ano mais, a xa icónica Romaría do San Ramón será o gran peche do Castelo Conta. Despois dunha semana de moita música, xuntanzas e sorrisos, a xornada do domingo está pensada para celebrar a festa de sempre en comunidade.
O día amencerá ao son dos gaiteiros, que erguerán a toda a parroquia coa tradicional alborada. Ao longo da mañá celebraranse as misas na Capela de San Ramón, para logo continuar coa ruta de coches clásicos que percorrerá as aldeas de Castelo e rematará na Polideportiva. Xa na sesión vermú, veciñanza e visitantes poderán desfrutar do xantar na polbada popular, amenizada pola Orquestra La Ocaband.
O peche do Castelo Conta é un día de xuntanza, para compartir cos veciños e lembrar todo o vivido ao longo da semana.