Produto engadiuse á túa cesta.

O martes, a palabra foi a protagonista no Castelo Conta

No segundo día de festival, volveron os vermús e a música volveron á Taberna. Os miúdos recibiron unha visita moi especial grazas ás amigas de Finca Abrigosa.
No serán, a palabra foi a protagonista con Xosé Ramón Gayoso conducicindo uns contos nos que falamos de milagres, lendas e regueifa.
Sobre esta arte centenaria aprendimos e desfrutamos dela grazas a Manolo Maseda, Lupe Blanco e Josiño da Teixeira.
Rematamos o día coa música de Tiruleque e con Eris Mackenzie, quen fixo dobrete neste martes festeiro.

Os miúdos comezaron o día subindo ao Xalo cos compañeiros da Comunidade do Monte Veciñal de Castelo.
Alí, sementaron especies autóctonas e coñeceron máis sobre o traballo de repoboación que se está desenvolvendo no Xalo.
Tamén recibiron unha visita moi especial grazas á colaboración de Finca Abrigosa.
Os chefs da Artesa da Moza Crecha, Lolo Mosteiro e Paula Martínez, foron os convidados do vermú deste martes.
Os petiscos de sardiña afumada voaron!
A chuvia que nos acompañou nas primeiras horas do día, amainou e Eris Mackenzie, nacido en Castelo, puido estrearse no festival.
Cando hai música, sempre se arma o baile.
Ver a Gayoso un martes non é cousa común, como non foron comúns ningunha das historias que coñeciños hoxe nos Contos de Castelo.
Algunhas foron de non crer.
Tamén nos acompañou o doutor Pardiñas, con quen aprendemos de saúde dental, pero tamñen algunhas lendas relacionadas coa saúde polo menos, curiosas.
Nos Contos tamén coñecimos máis de preto a regueifa da man de Manolo Maseda e Lupe Blanco.
Os presentadores dos Contos de Castelo levan un agasallo moi especial, estas zoquiñas tan feitas grazas a Elena Ferro.
Con ‘Regueifando en Castelo: festa e revolución’, vivimos de preto a maxia desta arte centenaria da improvisación.
Lupe Blanco é unha das grandes mestras da regueifa.
A veciñanza non quixo perder detalle.
Tiruleque, como non podía ser doutro xeito, puxo a bailar a todo Vilaverde.

Fotos: Aigi Boga

Anterior
Así comezou o Castelo Conta
Seguitne
O día grande da comedia
X