XENTE MIÚDA DO CASTELO CONTA
Os máis cativos participan nunha chea de actividades nas mañás do Castelo Conta relacionadas coa comedia, a tradición oral e a cultura rural…
– Gozan dos xogos de sempre con Dinamo
– Pasean polo monte co Trasno Agapito
– Aprenden a cociñar co chef Alberte Gutiérrez
– Rodan unha peli co colectivo Porco Bravú
– Aprenden dos monicreques con Mircromina
– Decoran Castelo pola festa con Noela Gutiérrez
DE LUNS A VENRES, DE 10.00 A 14.00
PRAZAS ESGOTADAS
CONTOS DE CASTELO
Os maiores botan a tarde falando das historias de antes con Tone Martínez:
– O luns falan dos obxectos con Xurxo Mariño, na eira de López, en Castelo de Abaixo
– O martes falan das festas de antes con Sito Sedes, na Aldea de Arriba, en Vilaverde
– O mércores falan de cando eran nenos, no Campo da Capela, en Folgueira
– O xoves falan de música tradicional e oralidade na eira de Santiago, en Xian
– O venres comentan fotos antigas de Castelo en Xalo, no alpendre de José María
DE LUNS A VENRES, DE 17.00 A 20.00
OS SERÁNS DO CASTELO CONTA
As tardes do Castelo Conta rematan cunha actuación en cada aldea…
Coleccionistas, a arte feita comedia
Un espectáculo de improvisación con Marcos Pereiro, Oswaldo Digón, Federico Pérez e os efectos sonoros de Cristian Leggiero.
E despois, a música dos Dixie Kings!
O LUNS, ÁS 20.00
EIRA DE LÓPEZ, CASTELO DE ABAIXO
Sito Sedes, acompañado de Carlos Manteiga
As cancións de sempre interpretadas por unha auténtica lenda das verbenas galegas.
O MARTES, ÁS 20.00
ALDEA DE ARRIBA, VILAVERDE
Mircromina Teatro
Pablo Díaz Trío “Coas miñas mans”
Para as cativas e cativos, monicreques e música.
O MÉRCORES, ÁS 20.00
CAMPO DA CAPELA, FOLGUEIRA
XABIER DÍAZ & ADUFEIRAS DE SALITRE
–
DE NINGHURES
Concertos de balde
O XOVES, ÁS 21.00
POLIDEPORTIVA DE CASTELO
OS TRISTES E OS MIÚDOS
Sesión vermú con Federico Pérez, Marcos Pereiro e todas as cativas e cativos que participaron no campamento da semana sobre o escenario!
VENRES 23, ÁS 14.00
POLIDEPORTIVA DE CASTELO
A VERBENA DO CASTELO CONTA
Unha orquestra para cantar e bailar toda a noite e o concurso musical ‘A túa cara parce que me quere soar’, con Xosé Antonio Touriñán, Carlos Blanco, Marcos Pereiro, Federico Pérez, Pepo Suevos, Lucía Veiga, Oswaldo Digón, Gari e Marita Martínez!
VENRES 23, ÁS 23.00
POLIDEPORTIVA DE CASTELO
O XANTAR DO CASTELO CONTA
Sesión vermú e gran xantar con empanada, fideuá e postre para coller forzas para a andaina…
SÁBADO 24, DESDE AS 13.00
POLIDEPORTIVA DE CASTELO
A ANDAINA DO CASTELO CONTA
Un percorrido por Castelo coa animación de Os Charangos e as contadas de Celso Sanmartín e Avelino González polo camiño!
SÁBADO 24, DESDE AS 16.00
POLAS ALDEAS DE CASTELO
A CHURRASCADA DA FESTA
As veciñas e veciños de Castelo preparan o exquisito churrasco da festa do San Ramón.
SÁBADO 24, ÁS 21.00
CAMPO DA FESTA
OS MONÓLOGOS DO CASTELO CONTA
Coa música en directo da Galifunk Brass, actuacións de Carlos Blanco, David Amor, Marita Martínez e Lucía Veiga, Gari, Marcos Pereiro e Oswaldo Digón, nun espectáculo conducido por Xosé A. Touriñán.
SÁBADO 24, ÁS 23.00
POLIDEPORTIVA DE CASTELO
OS FILLOS DO ESTRAMONIO
Concerto para despedir o Castelo Conta 2019…
SÁBADO 24, ÁS 2.00
POLIDEPORTIVA DE CASTELO
Este festival é unha homenaxe á comedia. Ao mellor humor do mundo, que é o que fan os cómicos deste país. En Castelo homenaxeámolos.
Os mellores contos son os que os nosos maiores transmitiron aos seus netos. Boa parte da nosa identidade como país ten que ver coa tradición oral e a súa transmisión de xeración en xeración!
Castelo é un lugar marabilloso. A poucos quilómetros da Coruña, e ao pé do Xalo, conviven non máis de douscentos veciños conservando e entendendo o valor da contorna.
Polo San Ramón, Castelo énchese de música, de humor, de tempo para pasar cos amigos.
Por diante de calquera outra cousa, o Castelo Conta é unha festa. Unha festa organizada por Touriñán, na súa casa, cos seus amigos e cos seus veciños, e con quen queira achegarse! En Castelo as portas están sempre abertas, e máis nas festas… O Castelo Conta é un festival especial porque non ten ánimo algún de lucro, porque só é un xeito diferente de facer festa: responsable, sostible, respectuoso co medio e coa contorna, e coidadoso coa promoción da cultura rural e da tradición oral. Todo é cousa dos veciños: encárganse de atender as diferentes actividades, de acoller e coidar dos visitantes, de preparar os riquísimos pratos para os xantares e as ceas, e ata de montar os escenarios.
Inclúe todas as actividades previstas para o sábado: a participación na andaina polas aldeas de Castelo con tres consumicións, o xantar e a cea, e entrada numerada para o espectáculo de monólogos.
Inclúe o xantar do sábado e a andaina polas aldeas de Castelo con diferentes paradas para gozar dos monólogos de Celso Sanmartín e Avelino González. Os participantes contarán con tres consumicións, camiseta, gorro, mochila e seguro de accidentes.
Churrascada no Campo da Festa e entrada numerada para o espectáculo de monólogos con Xosé A. Touriñán, Carlos Blanco, Marcos Pereiro, David Amor, Lucía Veiga e Marita Martínez, Gari e Oswaldo.
Entrada numerada para o espectáculo de monólogos con Xosé A. Touriñán, Carlos Blanco, Marcos Pereiro, David Amor, Lucía Veiga e Marita Martínez, Gari e Oswaldo, o sábado ás 23.00 h.
VENDA FÍSICA
QImpresión!
Sanjurjo de Carricarte 8 (O Burgo)
Aberto de luns a venres, de 9.30 a 20.00 h.
Ainé Producións
Enrique Mariñas 32G, 3ºA, Matogrande (A Coruña)
Aberto de luns a venres, de 8.00 a 17.00 h.
Centro Social de Castelo
Folgueira – Castelo s/n, Castelo (Culleredo)
Aberto de luns a venres, de 16.00 a 23.00 h.
Sábados, domingos e festivos desde as 12.00 h.
VENDA ONLINE
A venda online a través de Ataquilla.com leva asociada unha comisión de servizo
ENTRADAS ESGOTADAS ONLINE PARA CEA E MONÓLOGOS
